Регулаторната Комисија за Енергетика објави дека од вечерва на полноќ ќе се зголемат цените на горивата.
Во согласност со методологијата која РКЕ ја користи за пресметка на цените, малопродажните цени на нафтените деривати, се зголемуваат во просек за 1.47%.
Малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 1 денар и со тоа малопродажната цена на ЕУРОСУПЕР БС-95 изнесува 85.50 денари за литар додека малопродажната цена на ЕУРОСУПЕР БС-98 изнесува 87.50 денари за литар.
Малопродажната цена на ЕУРОДИЗЕЛ (Д-Е V) се зголемува за 2.50 денари и со тоа малопродажната цена на ЕУРОДИЗЕЛ (Д-Е V) ќе биде 82.5 денари за литар.
