Отворениот хиперавтомобил ќе биде произведен во лимитирано издание од 99 примероци
W16 Mistral е прв модел со отворен кров на Bugatti после Veyron Grand Sport Vitesse од 2012 година, а воедно е и последениот кој го користи 8-литарскиот W16 мотор.
Bugatti мораа да ја реконструираат карбонската шасија за да се овозможи новата заоблена силуета, а истовремено автомобилот да ги помине строгите прописи за сообраќајни незгоди. Инженерите користеа нови композитни материјали со ултра високи перформанси во новата конструкција за да ја минимизираат тежината а истовремено да ја зголемат ригидноста.
Вратите се специјално дизајнирани за да можат да ја апсорбираат енергијата создадена од значителен страничен удар, а покрај нивната улога во насочување на ладен воздух кон моторот, новите индукциски доводи можат да ја издржат целосната тежина на автомобилот во случај на превртување.
„Семејството Chiron никогаш не беше наменето да има роудстер модел“, рече главниот технолошки директор на Bugatti, Емилио Сцерво. „Затоа моравме да почнеме одново кога решивме да го изградиме W16 Mistral. Без разлика за каков тип на хиперспортски автомобил станува збор, моделот на Bugatti мора да биде неспоредлив во секој поглед во автомобилскиот свет“.
