full screen background image
Search

Големиот, луксузен Range Rover Sport пристигна во Македонија!

Најновата, трета генерација на еден од најпродаваните модели на Range Rover пристигна во Македонија, во салонот на Аутомобили Груп во Скопје!

Новата, трета генерација на Range Rover Sport е поставена на новата MLA-Flex платформа која ја дели со уште поголемиот Range Rover – но Sport го карактеризира подинамичен и поатлетски дизајн со современи дизајнерски елементи – од тенките предни и задни светлосни групи, преку чистите, достоинствени линии на профилот па сè до спортските детали како големите тркала и нагласениот заден спојлер. Истовремено, новиот Sport е и (за SUV) навистина аеродинамичен и има отпор на воздухот од само 0.29 Cd.

Бовиот Sport ги добива сите врвни теренски технологии кои ги има и големиот Range Rover, а достапни се и нови погонски опции. Лепезата на мотори кои ќе се нудат на европскиот пазар вклучува турбо-бензинци, лајт-хибриди, плаг-ин хибриди и модерни турбодизел опции.

Без разлика која погонска опција ќе ја одберете, ќе добиете 8-брзински автоматски менувач и погон на сите четири тркала а најавена е и целосно-електрична варијанта која ќе пристигне во 2024.

Првите впечатоци се дека новиот Sport е доминантен, забележлив автомобил – но со онаа доза на британска гордост и рафинираност. Неговиот монолитски став наметнува доминантност и Sport едноставно се издвојува од конкурентите. Секогаш ни се допаѓале дизајните на Range Rover – и ниту овој пат не е поинаку.

Кабината е соодветно-опулентна – доминираат супер-квалитетни материјали, цели хектари фина и скапа кожа и врвна завршна изработка каде се забележува вниманието кое го посветиле дизајнерите, инженерите и мајсторите на Range Rover.

Пред возачот е поставен голем 13.7-инчен Interactive Driver Display, додека на централната конзола е 13.1-инчниот екран наменет за Pivi Pro. Секако, системот доаѓа со Android Auto и Apple CarPlay поврзување, а тука се и Meridian премиум аудио уредот со 29 звучници и многу, многу повеќе.

Новиот Range Rover Sport повторно ќе се наметне како избор за оние кои го разбираат британскиот пристап кон луксузот. Теренските таленти се неизбежни – сепак зборуваме за Range Rover – но новиот Sport навистина има со што да се гордее. За повеќе информации, посетете ја веб-страницата на Land Rover Македонија, или пак посетете го салонот на Аутомобили Груп во Скопје.



Алфа и Омега на CARclub. Играчките остануваат, само стануваат поскапи.