full screen background image
Search

Автомобилска уметност – Peugeot го претставува 408 во огромна ротирачка сфера

Несекојдневен, нов автомобил треба да биде претставен на несекојдневен, нов начин – и Peugeot го прави токму тоа со новиот 408 и инсталацијата наречена Sphere.

Поставен во голема тркалезна сфера, новиот 408 се ротира и може да биде виден од секој агол. Транспарентната поставка „Sphere“ е тотално неочекувана, како и дизајнот на овој модел претставен од Peugeot во Јуни.

Со својот уникатен изглед на динамичен и иновативен fastback, новиот PEUGEOT 408 возбудливо привлекува сечии погледи. Талентиран тим од уметници, инженери и техничари од париското креативно студио „Superbien“ го спроведоа проектот замислен од агенцијата „OPEN“ и го трансформираа во реалност која навистина може да се каже дека го одзема здивот и се чини дека ѝ пркоси на гравитацијата.

Овие дизајнери на уникатни, оригинални инсталации ја создадоа оваа уникатна поставка- со „Sphere” за која се поставуваат многу прашања: Каде е врвот? Каде е дното? Како може новиот PEUGEOT 408 да се врти наопаку или да се извртува и да се движи на толку необичен начин? Одговорот е: оваа транспарентна поставка наречена „Sphere“ го опкружува автомобилот и на тој начин го прикажува од сите агли.

Оваа оригинална „подиум топка“ беше претставена во исклучителниот амбиент на Louvre-Lens; новиот PEUGEOT 408 со својот спортски и флуиден дизајн е направен како уникатно уметничко дело, кое многу веројатно повторно ќе блесне на други настани.

„Навистина ни се допадна идејата за ова краткотрајно уметничко дело, кое е оригинално и атрактивно за гледање, и кое совршено го истакнува нашето ново постигнување. Оригиналниот стил на новиот PEUGEOT 408 беше пофален од многу луѓе кои веќе имаа можност да го откријат. Претставен на многу оригинален начин, во величествениот и модерен амбиент на објективот Louvre Lens”, вели Linda Jackson, извршен директор на брендот PEUGEOT.

„Peugeot се движи напред и воведува новини во сите области. Транспарентната „Sphere“ дизајнирана за новиот PEUGEOT 408, ја покажува грациозноста и шармот на нашиот нов модел од сите страни. Оваа креација е совршено во согласност со глобалниот израз на Peugeot на нов идентитет на брендот”, додава Phil York, директор за маркетинг и комуникација за брендот PEUGEOT.

Поврзано:   Peugeot го претстави тркачкиот 9X8 со кој ќе се натпреварува на Endurance трките!



Алфа и Омега на CARclub. Играчките остануваат, само стануваат поскапи.