20 години по лансирањето на првиот Phaeton, Volkswagen го откри финалниот, пред-продукциски прототип од Phaeton од втората генерација кој бил откажан во последен момент.
Она кое можеме да го видиме е дека пред-продукцискиот прототип бил навистина блиску до неговата финална форма. Развиван под кодното име Phaeton D2, новиот Phaeton бил дизајниран од Marco Pavone (екстериер) и Tomasz Bachorski (ентериер) и бил скоро пред официјално ретставување.
Новиот Phaeton бил планиран да биде своевиден сестрински модел на A8 (и да бидеме искрени, дури и формите се слични), но со многу хромирани детали, ниска предна маска на ладилникот и комплексни LED предни светла.
Во кабината преовладуваат квалитетни материјали и супер-напредни технологии. Интересно, кај Phaeton D2 требал да дебитира Innovision Cockpit концептот кој за прв пат го видовме кај најновиот Touareg – а тоа значи дигитални инструменти и голем централно-поставен мултимедијален уред. Забележуваме и светла кожа и многу, многу внимание посветено на деталите.
За жал, Touareg D2 е откажан во последен момент, која Volkswagen одлучи да се пренасочи кон електрификацијата и да посвети многу повеќе време, внимание и ресурси на електричните возила. Но и покрај тоа, интересно е да се види како можеше да изгледа наследникот на Phaeton.
