Škoda ги објави првите скици од новата Fabia Monte Carlo – CARclub.mk | #1 за Автомобилите full screen background image
Search

Škoda ги објави првите скици од новата Fabia Monte Carlo

Škoda ги објави првите официјални скици од новата спортска и динамична Fabia Monte Carlo.

Четвртата генерација на Fabia веќе се наметнува како привлечен избор за купувачите, а Škoda денес ни ги покажа првите скици од новата полуксузна и подинамична Monte Carlo изведба. Според Škoda, препознатливите црни Monte Carlo елементи дополнително ги истакнуваат емотивните линии и динамични пропорции на четвртата генерација на Fabia.

Препознаваме црна предна маска и црн преден спојлер, како и големи отвори за воздух. На задниот дел забележуваме спортски дифузер во задниот браник и понагласен спојлер. Црни се и страничинте прагови, кровот, рамките на прозорците и страничните ретровизори.

Слична тематика продолжува и во кабината – каде Fabia Monte Carlo ќе добие спортски седишта со интегрирани наслони за главите, а на трокракиот спортски управувач е поставена специјална Monte Carlo значка. Забележуваме и црвени акцентни детали, како и некои елементи во карбонски стил.

Monte Carlo изведбите се покажуваат како особено интересни за оние купувачи кои имаат поиндивидуален пристап и сакаат нешто различно – а токму моделите кои влечат инспирација од успесите на Škoda на легендарното рели во Монте Карло го нудат тоа.



Алфа и Омега на CARclub. Играчките остануваат, само стануваат поскапи.