Најновата генерација на францускиот хечбек од денес може да се види во салонот на Peugeot во Скопје!
Новиот Peugeot 308 пристигна! Еден од најочекуваните нови модели пристигна и во Македонија – и тоа на самиот почеток на годината. Новиот 308 воведува многу новитети не само за Peugeot – туку и во сегментот. Воведува нов, експресивен и динамичен дизајн – како на екстериерот, така и во кабината. Воведува и нови технологии, како и нови погонски опции – новиот 308 ќе биде достапен со конвенционални турбо-бензински и турбодизел мотори, но и со две плаг-ин хибридни варијанти.
Во понудата се докажаниот 1.2 PureTech турбо-бензинец со 110 или 130 коњски сили, како и 1.5-литарскиот BlueHDI турбодизел со 130 коњски сили. Основниот бензинец може да се добие со мануелен менувач, додека помоќниот бензинец и турбодизелот се достапни со мануелен или EAT8 автоматски менувач.
Достапни се и две плаг-ин хибридни изведби – едната со 180, другата со 225 коњски сили. Овие изведби комбинираат 1.6-литарски турбо-бензинец кој испорачува 150 или 180 коњски сили со електромотор и батерија за да овозможат врвни перформанси, но и скоро 60 километри автономија на електрична енергија.
Ние веќе го возевме новиот 308 на интернационалната презентација во Кан. Таму имавме можност да пробаме неколку различни верзии, но и да ги повозиме и двете каросериски изведби. Наскоро ќе имаме можност да го возиме 308 и на „домашен терен“, па ќе ги пренесеме нашите впечатоци.
За повеќе информации, посетете го салонот на Peugeot.