Duster најверојатно не е моделот кој би очекувале да добие екстремен тјунерски бодикит – но зошто да не?!
Тјунерите од Prior Design ќе ви испорачаат прилично екстремен пакет модификации за вашиот Duster. За околу 3300 Евра ќе добиете пакет кој вклучува пошироки предни и задни крила, нови браници, странични прагови, голем заден дифузер и голем заден спојлер.
На официјалните фотографии гледаме дека бодикитот е комбиниран со (прилично агресивно) спуштена суспензија, а целиот пакет му дава на Duster интересен – дури би рекле и привлечен – лик. Дали наликува на тркачки автомобил? Па би сакале да мислиме дека тркачки Duster би изгледал баш вака.
Да, вака несомнено се губат теренските способности на Duster, но мора да признаете дека изгледа интересно, нели?
