Во интервју за BMF Business, извршниот директор на Alfa Romeo најави дека ќе оди во спротивност со трендовите – и навистина не можеме да не се согласиме со него!
Во интерјвуто, Jean-Philippe Imparato кој сега е на чело на Alfa Romeo ни понуди интересен поглед во идните возила на италијанскиот бренд. Тој кажа дека возилата на Alfa Romeo ќе бидат многу интересно позиционирани, и дека сака да бидат што е можно повеќе ориентирани кон возачот, со „што е можно помалку екрани“.
„Јас не продавам iPad со возило околу него. Јас продавам Alfa Romeo!“ – беше прилично директен Jean-Philippe. Дополнително, тој нагласи дека во време кога како и многу други брендови, и Alfa Romeo се подготвува за електрификација и електричната иднина, идните возила на брендот ќе пренесуваат и изнудуваат емоции дури и без звук од моторот.
Првиот плаг-ин хибриден модел на Alfa Romeo ќе биде новиот Tonale SUV, кој треба да пристигне во 2022 и се очекува да биде супер-популарен меѓу купувачите. Со нетрпение го очекуваме!