Спортскиот 128ti е изложен во салонот на BMW! – CARclub.mk | #1 за Автомобилите full screen background image
Search

Спортскиот 128ti е изложен во салонот на BMW!

Спортскиот хечбек кој ја врати легендарната ti ознака на BMW е изложен во салонот на М-Кар во Скопје!

BMW 128ti ја воскреснува ti ознаката која всушност значи Turismo Internazionale и е значка која 20-тина години ја нема на пазарот. „На времето“ ја користеа 1800 TI, 2002 TI и кон крајот на 90-тите години ја користеа и 323ti и 325ti Compact.

Инженерите на BMW го земале 2-литарскиот турбо бензинец од M135i и малку му ја намалиле моќноста – од 306 на 265 коњски сили, но истовремено изваден е xDrive погонот на сите четири тркала и суспензијата е преработена за новата геометрија на автомобилот.

Тие 265 коњски сили, но и 400 Nm вртежен момент – се пренесуваат кон предните тркала преку 8-брзински автоматски менувач и Torsen диференцијал со ограничено пролизгување, а резултат на сето тоа е спринт до 100 километри на час за 6.1 секунда и максимални 250 километри на час.

BMW 128ti добива и поцврсти стабилизатори, пониска суспензија, поцврсти амортизери и пружини, M Sport сопирачки со црвени шепи.. Приказната завршува со 18-инчни тркала обвиени во Michelin Pilot Sport 4 пневматици. Кабината добива црвени детали, контрастни опшивки, спортски седишта и спортски управувач.

За повеќе информации, посетете го салонот на BMW.



Алфа и Омега на CARclub. Играчките остануваат, само стануваат поскапи.