Legende Automobiles ја дизајнираше и ја создаде ултимативната верзија од нивниот омилен Homologation Special јангтајмер од 80тите.
Моделот Renault Turbo 3 е создаден како ограничена серија на спортскиот историски компакт со средно поставен мотор, дизајниран без никакви штедења во деловите.
Целта на тимот била да се комбинираат најдобрите елемети од Turbo 1 и Turbo 2 верзиите на Renault 5, заедно со користење на модерна технологија за подобрување на електричните системи и намалување на тежината.
Резултатот е фантастично возило кое останува верно на оргиналниот изглед, покрај тоа што вметнува и неколку модернизирани детали. Коцкастите широки крила оддаваат почит на оргиналната каросерија дизајнирана од Bertone, но наместо од алуминиум или челик, каросеријата е направена од јаглеродни влакна за намалување на тежината.
Новите предни и задни светла со целосна LED технологија го доведуваат R5 Turbo во 21виот век, без да го расипат неговиот безвременски дизајн. Истото може да се каже и за специјалните издувни цевки интегрирани во дводелниот дифузер, поизразениот заден спојлер обоен во портокалово, како и екстензијата на кровор и А-столбовите.
Тркалата се исто така пораснати во дијаметар со 16-инчи на предната и 17-инчи на задната оска, а се понудени во два различни дизајни, кои одлично се вклопуваат во проширените отвори.
Ентериерот е целосно различен од оргиналниот, но е перфектно уреден во рестомод стил. Кружните елементи од Turbo 1 се заменети со целосно дигитален инструмент панел, кој е сместена позади уникатниот волан со два краци.
Спартански уредената инструмент табла пак, има вметнати портокалови отвори за вентилација со дво-зонски клима уред и модерни контроли, но без мултимедијален екран. Рачниот менувач, заштитниот кафез, како и лесните спортски седишта со интегриран потпирач за глава и појаси со шест точки на заклучување јасно покажуваат дека овој R5 е дизајниран за перформанси.
Според Legende Automobiles, R5 Turbo 3 е базиран на Renault 5 шасијата со 3 врати, но е опремен со предна и задна double-wishbone суспензија, позајмена од тркачкиот R5 Maxi Turbo. Средно поставениот турбо-засилен мотор произведува 400 кс, што е многу повеќе од оргиналниот 1.4-литарски агрегат во цивилните варијанти. Силата се испорачува кон задните тркала преку секвенцијален менувач со рачен менувач, бидејќи тимот сакал да му даде на возачот целосна контрола на моторот.
Legende Automobiles не објави колку точно примероци од R5 Turbo 3 ќе произведат, a не ја откри ни цената за еден примерок. Сепак, се очекува да изнесува над 100,000 евра.
