Регулаторната Комисија за Енергетика пред само неколку минути ги објави новите, за нијанса намалени малопродажни цени на горивата.
Во согласност со методологијата која се користи за пресметка на цените, од вечерва на полноќ малопродажните цени на горивата се намалуваат во просек за 1.48%.
Цените на ЕУРОСУПЕР-95 и ЕУРОСУПЕР-98 се намалуваат по еден денар. Еден литар 95-октански бензин ќе чини 67.00 денари, додека еден литар 98-октански бензин ќе чини 69.00 денари.
Цената на ЕУРОДИЗЕЛ горивото се намалува за половина денар. Еден литар дизел гориво ќе чини 59.50 денари.
