full screen background image
Search

DBA го претстави првиот примерок на спектакуларниот MINI Remastered Oselli Edition

Чудотворците од David Brown Automotive го претставија првиот примерок на Mini Remastered Oselli Edition – кој оддава почит на 60-годишнината на MINI и чини околу 115.000 Евра!

Иако MINI Remastered за прв пат беше прикажан пред околу 2 години, првите примерок тукушто ја здогледа светлината на денот. Mini Remastered Oselli Edition ќе биде произведен во само 60 примероци – во чест на 60-годишнината на Mini – и може да се добие со две или четири седишта. Цената? Ситница – почнува од само 98.000 Фунти, односно нешто над 114.000 Евра.

Но она кое ќе го добиете е навистина спектакуларно – темелно преработениот автомобил добива уникатни бои со специјални детали, модерни технологии како LED осветлување, темелно преработен ентериер со спортски седишта и многу, многу подобрувања.

Задолжен за задвижување на Mini Remastered е 1.4-литарски атмосферски мотор со два карбуратори кој ослободува 125 коњски сили и 153 Nm вртежен момент. Не звучи како многу, но бидејќи MINI Remastered тежи само 1050 килограми – сосем доволно за забрзување до 100 километри на час за 7.8 секунди.

Дел од приказната се и надградени AP Racing сопирачки, како и диференцијал со ограничено пролизгување, модерна суспензија од Bilstein, спортски издувен систем и 13-инчни тркала обвиени во спортски пневматици.

Дали сето тоа вреди 114.000 Евра? Хм, добро прашање – но изгледа фантастично!



Алфа и Омега на CARclub. Играчките остануваат, само стануваат поскапи.