Од Fiat гордо кажуваат дека Panda Trussardi е првата луксузна изведба на супер-популарната Panda!
Познавачите на модата знаат за препознатливиот италијански моден бренд Trussardi – и токму во соработка со Trussardi е развиена и верзијата на Panda која го носи ова име. Уникатната Panda Trussardi ќе ја препознаете преку мат бојата на екстериерот која се вика Caffè Italianо – и како поинаку би се викала? Сликата ја дополнуваат контрастните детали во сјајна црна боја, како и неколкуте Trussardi ознаки.
Кабината добива нови материјали и нови нијанси, а од Fiat напоменуваат дека има и „неповторлив допир на високата мода преку Trussardi ознаките на сигурносните појаси, управувачот и седиштата.“
И навистина, ваквата комбинација ја прави Panda да биде уште позабележлива. Секако, дополнителни заштитни панели и неколкуте додатоци кои се дел од Cross пакетот на Panda се одлична основа, но Trussardi изведбата е уште поинтересна, особено за оние кои ја следат високата мода.
Panda Trussardi веќе може да се погледне во салонот на Fiat во Скопје.
