Пред само неколку моменти, францускиот бренд ја претстави електричната изведба на супер-популарниот Berlingo!
„Citroën Berlingo Van ги поставува стандардите во сегментот на мали комерцијални возила. Тој е познат по неговата практичност, која пак овозможи навистина многу иновативност. Со применување на најдобрите аспекти на електричната технологија, сега на професионалците им нуди уште потивка работа. Со ë-Berlingo Van, тие ќе најдат идеален партнер за дневните мисии, и сето тоа ќе го добијат во ненадминат комфор со голема слобода на движењето и контрола на оперативните трошоци – но без никакви комромиси во однос на товарот и волумент кој ова возило може да го пренесе.“ – изјави Vincent Cobee, управниот директор на Citroën.
Според WLTP мерењата, Citroën ë-Berlingo Van може да помине до 275 километри со едно полнење на батериите. ë-Berlingo Van и понатаму ќе биде достапен во четири каросериски изведби, со максимален товар до 4.4 кубни метри и можност за пренесување до 800 килограми. Секако, ë-Berlingo Van е поврзан со MyCitroen апликацијата, која овозможува далечинско контролирање на полнењето на батериите, a преку Free2Move апликацијата има пристап до повеќе од 220.000 полначи ширум Европа!
Citroen обезбедува гаранција од 8 години, односно 160.000 километри за батериите, и гарантира дека по истекот на гарантниот период тие ќе имаат најмалку 70% од капацитетот. Батеријата ќе се проверува и ќе добива сертификат на секој направен редовен сервис на возилото. ë-Berlingo Van ќе се нуди во две големини – M (со должина од 4.4 метри) и XL (со должина од 4.75 метри). Во зависност од изведбата, во кабината може да се сместат предмети долги до 3.09, односно 3.44 метри. Во кабината собира две еуро-палети една зад друга.
Дополнително, ë-Berlingo Van добива и нови технологии – како што се хед-ап дисплеј, како и нов 10-инчен дигитален пад со висока резолција. ë-Berlingo Van нуди три режими на возење – Normal, Eco и Power. Нормал режимот нуди идеален компромис меѓу автономијата и динамичноста, и нуди 80 kW и 180 Nm вртежен момент. Eco режимот е наменет да ја максимизира автономијата и нуди 60 kW и 190 Nm, и го намалува клима-уредот. На самиот врв е Power режимот кој нуди 100 kW и 260 Nm, Power режимот е всушност наменет да се користи при максимална оптовареност.
Во зависност од моќноста на полначот, батеријата ќе се полни за 15 часа. Со брз домашен полнач батериите ќе бидат наполнети за 7 и 30 минути, додека со пристап до супер-брз јавен полнач, батериите може да се наполнат до 80% за само 30 минути.
