full screen background image
Search

Opel Vivaro-e е прогласен за Интернационално Комерцијално Возило за 2021

Електричното комерцијално возило на германскиот производител на автомобили беше избрано од стручното жири составено од 24 новинари и издавачи од независни магазини за лесни комерцијални возила.

Opel Vivaro-e e достапен во три должини и со многу варијанти на каросеријата, а батерија на им овозможува на професионалците да ја искористат предноста на бескомпромисната подвижност со нула емисија на CO2 до „последниот километар“. Купувачите на Vivaro-е можат да изберат помеѓу две големини на литиум-јонска батерија, во зависност од нивните потреби – едната со капацитет од 75 kWh за опсег до 330 km или за оние кои имаат помалку интензивна дневна употреба на своето возило, од 50 kWh за повеќе од 230 km, според WLTP.

„Ние сме многу горди што новиот Vivaro-e е избран за интернационално комерцијално возило за 2021 година“, изјави извршниот директор на Opel, Мајкл Лохшелер. „Би сакал да им се заблагодарам на стручното жири на IVOTY за оваа награда која е најпрестижна и најпосакувана, во секторот на лесни комерцијални возила. Vivaro-e поставува нови стандарди во својот сегмент на пазарот и ја води електрификацијата во гамата на лесни комерцијални возила на Opel. Следната година ќе ја додадеме ознаката „е“ на Combo и Movano, кои ќе бидат целосно електрифицирани пред крајот на 2021 година!  Денес, Opel забрзано ја електрифицира целата своја гама , со веќе достапни шест модели како електрични или хибридни. До 2024 година ќе имаме електрифицирани верзии на сите наши патнички и лесни комерцијални возила.„

Базиран на платформата на Групацијата PSA – EMP2, Vivaro-e нуди исклучително широк спектар на системи за помош при возење – како што е признато од жирито на IVOTY. Покрај head-up дисплејот, Vivaro-e има и помош за одржување на лента, проширено препознавање на сообраќајни знаци, предупредување за поспаност, предупредување за можен удар напред и автоматско сопирање во итни случаи.

Поврзано:   „Гром понуда“ за Opel Corsa!

Opel веќе ја освои наградата Интернационално комерцијално возилo на годината со Astra Van во 1999 година, прва генерација на Vivaro во 2002 година и Combo во 2019 година.

Извор: PR Opel



Алфа и Омега на CARclub. Играчките остануваат, само стануваат поскапи.