По одличните резултати во Formula E, Audi го најави својот електрифициран учесник за Дакар Релито во 2022!
Најавата од Audi е особено интересна, бидејќи најавуваат дека возилото всушнпост ќе има електричен погон, а ќе користи и „конвертор на енергија“ кој е всушност турбо-бензинец кој ќе генерира електрична енергија. Ова најавува дека Дакар-возилото на Audi всушност ќе го користи тој турбо-бензинец како „зголемувач на автономијата“ – односно нема да биде директно задолжен за задвижување на тркалата.
Од Audi кажуваат дека „целта е перманентно да се подобрат перформансите на електричниот погон и батериите во годините кои доаѓаат“ и дека „искуството кое ќе дојде низ овој процес ќе се искористи за понатамошен развој на идни модели во сериско производство.“
Дополнително, од Audi навестија и потенцијално враќање на Le Mans. Julius Seebach, управниот директор на Audi Sport GmbH изјавио дека „дополнително, разгледуваме и други терени во интернационалниот моторспорт, а со тоа ги имаме предвид и желбите на клиентите, но и идната стратегија која е цврсто фокусирана на електрификација и карбон-неутралност. Затоа се подготвуваме за влез во LMDh категоријата.“
LMDh е Le Mans Daytona hybrid и е всушност нова класа во Endurance трките. Според правилата, возилата треба да тежат најамлку 1030 килограми и да имаат моќност не поголема од 500 kW, односно 670 коњски сили. Оваа нова класа ќе започне со натпреварување во 2022.
