Во Wolfsburg во Германија започна производството на плаг-ин хибридната изведба на најголемиот SUV на SEAT.
Tarraco e-Hybrid користи комбинација од 1.4-литарски TSI турбо-бензинец кој испорачува 150 коњски сили и електомотор кој испорачува дополнителни 115 коњски сили. Вкупната, системска моќност на големиот плаг-ин хибриден SUV 240 коњски сили и 400 Nm вртежен момент. Интересно е дека токму Tarraco e-Hybrid е најмоќната изведба на Tarraco. Забрзувањето до 100 километри на час трае малку над 7 секунди, додека максималната брзина е 205 километри на час.
Во Tarraco е-Hybrid се вградува батерија со капацитет од 13 kWh, која овозможува автономија на електрична енергија од околу 50 километри. Според WLTP мерењата, Tarraco e-Hybrid може да троши само 1.6 до 2 литри на 100 изминати километри – со полна батерија, секако.
Плаг-ин хибридниот Tarraco има неколку режими на работа – e-Mode (кој е само на електрична енергија), како и Automatic Hybrid и Manual Hybrid. Тука е и s-Boost режимот кој испорачува максимални перформанси.
Моќниот и ефикасен Tarraco e-Hybrid ќе може да се добие во Xcellence или FR изведби.
