Идните модели на Hyundai, Kia и Genesis ќе користат мултимедијални системи од Nvidia – CARclub.mk | #1 за Автомобилите full screen background image
Search

Идните модели на Hyundai, Kia и Genesis ќе користат мултимедијални системи од Nvidia

Сите идни автомобили од производителите Hyundai, Kia и Genesis, почнувајќи од 2022 ќе доаѓаат сериски опремени со Nvidia Drive мултимедијални системи.

Системот Nvidia Drive ќе користи хардверски и софтверски пакети кои ќе ги содржат сите аудио, видео, навигациони и мрежни функции на автомобилот. Тој ќе се користи во сите возила од најниско до највисоко ниво на опрема, а ќе може да се надгради преку безжична технологија.

Со овој потег, групацијата Hyundai Motor Group ќе ги опреми идните модели со нов оперативен систем развиен во компанијата и ќе ги складира информациите генерирани од возилото и неговите сензори, како и надворешно поврзаните уреди со цел да им овозможи на возачите и патниците попријатно искуство.

Во некои модели кои се продаваат исклучиво на Северно-Американскиот континент веќе е вграден системот Nvidia Drive, а во развој е и напреден дигитален кокпит кој ќе биде претставен наредната година.



Отсекогаш Филип се интересирал за дизајнот и перформансите на автомобилите, а во срце му лежат легендарните спортски модели со забавен карактер кои можат да ги совладаат свиоците со огромна брзина.