Јапонскиот производител објави дека купувачите на првата генерација на моделот MX-5 во Европа сега ќе можат да нарачаат оргинални резервни делови за нивниот миленик.
Mazda се консултираше со дистрибутери и фан клубови низ Европа со цел да може да ги понуди најбараните делови за легендарниот модел. Овие резервни делови ќе бидат произведени во Јапонија со користење на модерни методи и ќе бидат од материјали од врвен квалитет и ќе го задржат изгледот на оргиналниот дел.
Официјалната гама на делови за првата генерација на MX-5 содржи и новоразвиен мек покрив со истиот материјал како оргиналната верзија. За производство на стандардните алуминиумски тркала е задолжена компанијата Enkei, која ќе ги прави со истиот дизајн, но помала тежина и поголема цврстина.
Листата содржи и голем број на резервни елементи за ентериерот, механички компоненти, како и помали завртки.
