Сакате вашите Audi RS6, RS7 или RS Q8 да имаат моќ како Bugatti Veyron? Инженерите од MTM го имаат решението за вашиот проблем!
Моќниот 4-литарски твин-турбо V8 кој се вградува во овие три RS модели веќе испорачува 600 коњски сили и 800 Nm вртежен момент, но од многу не боли глава, па затоа инженерите од MTM се фатиле за работа. Резултат на нови турбо-полначи, ревидиран софтвер и уште неколку други модификации се 1001 коњска сила и 1250 Nm вртежен момент. Верувале или не – тоа е идентично како првиот Bugatti Veyron.
Сега за сега нема никакви информации околу перформансите, но очекуваме тие да бидат застрашувачки – сепак моќта е значително зголемена. Ги знаеме цените – врвниот пакет чини околу 35.000 Евра.
Доколку сепак сметате дека 1001 коњска сила се премногу, MTM нуди и Stage 1, Stage 2 и Stage 3 пакети кои нудат 787, 810 и 962 коњски сили, соодветно.
