Баварците потврдија дека иако популарноста на SUV моделите не покажува знаци на намалување, сепак не се откажуваат од елегантните седани.
„Во минатото продававме само седани. Сега, скоро 60% од продажбата оди кај SAV моделите (BMW своите SUV возила ги нарекува Sports Activity Vehicle, или SAV)“ – изјави Domagoj Dukec, одговорниот за дизајн во BMW.
Сепак, Dukec објасни дека пазарното истражување на BMW идентификувало два естетски трендови – casual, односно секојдневно, и elegant – односно елегантна насока. Dukec оди чекор понатаму и прави паралела меѓу дизајнот на внатрешноста на домовите и автомобилскиот дизајн. Според него, отворените домови – домовите каде кујната и дневната просторија се споени, и каде можете велосипедот на сопственикот да го видите во самиот стан – се домови каде би живееле сопственици на SUV. Од друга страна, оние кои живеат во поелегантни домови, домови каде просториите се физички одвоени една од друга – тоа се купувачите кои се наклонети кон седани.
Тој кажува дека трендовите нема да се сменат многу и дека односот меѓу седани и SUV модели ќе остане некаде околу 50-50. „Да, седаните и понатаму ќе бидат релевантни. Мора да има и некакво модернизирање и еволуција на овој каросериски стил. Не може засекогаш да остане класичната three-box силуета на седанот – гледаме дека во Кина се бара повеќе елеганција и размислуваме во таа насока.“
