full screen background image
Search

Honda ќе ги исфрли дизелите од понудата во Европа до 2021

Honda потврди дека сите возила кои ги нуди во Европа ќе бидат електрифицирани до 2025, и дека дизелите ќе бидат целосно исфрлени од понудата до 2021.

Honda ги исфрла дизелите со цел да ги исполни строгите стандарди за емисија на штетни гасови. Секако, ова е дел од долгорочниот план на јапонскиот бренд да го зголеми уделот на електричните возила во својата продажба – сега електричните возила се само 10% од вкупната продажба на Honda, но амбициите се две третини од продадените возила да бидат електрични. Honda сака да го оствари овој таргет до 2030-тата година, но веќе од 2025-тата година сите возила ќе бидат електрифицирани.

Според новите таргети поставени од ЕУ, емисиите на CO2 моораат да бидат до 95 грама на изминат километар кај 95% од продадените возила. Од Honda кажуваат дека побарувачката за дизел возила е намалена, и токму затоа е донесена одлуката за елиминирање на дизелските мотори. Дополнително, Honda најави дека варијациите меѓу моделите ќе бидат намалени за една третина – што би требало да ги намали трошоците за производство на глобално ниво за околу 10% – а заштедата ќе биде насочена кон истражување и развој на нови модели.



Алфа и Омега на CARclub. Играчките остануваат, само стануваат поскапи.