Автомобилот со кој Bugatti постигна скоро 500 километри на час оди во сериско производство – и 30 сопственици ќе спијат мирно знаејќи дека во гаража го имаат најбрзиот автомобил на светот.
Bugatti минатата седмица објави дека постави нов рекорд – скоро 500 километри на час. Денес го имаме автомобилот ќе оди во „сериско производство“. Добро, велиме сериско производство – но Bugatti Chiron Super Sport 300+ (да, тоа е целосното име и презиме) ќе се произведе во само 30 примероци.
„По неверојатниот рекорд од повеќе од 300 милји на час – рекорд кој први успеавме да го го постигнеме како сериски производител – сега на нашите клиенти им го нудиме Chiron Super Sport 300+. Супер-специјална верзија и најбрзото Bugatti на сите времиња“ – изјави претседателот на Bugatti, Stephan Winkelmann.
Како што веќе пишувавме, моќта доаѓа од 8-литарскиот квад-турбо W16 кој во оваа конфигурација испорачува 1600 коњски сили. Екстензивно преработениот Chiron е значително подолг, со преработена аеродинамика за да може да ја постигне оваа максимална брзина.
