Веќе при самото лансирање, М-дивизијата на BMW подготви неколку интересни M Performance додатоци за новата Серија 1.
Понудата на додатоци започнува со импресивно-големи сопирачки. Спортскиот сет сопирачки користи 18-инчни перфорирани дискови, 4-клипни шепи напред и шепи со еден клип на задните тркала. Шепите се во црвена боја, секако.
Понатаму, можете да нарачате и мал милион ситници кои ја подобруваат аеродинамиката – изработени од карбон. Можете да нарачате преден сплитер, заден спојлер, предни мали крилца, странични прагови и голем заден дифузер, но и карбонски капачиња за страничните ретровизори. Можете да нарачате и редизајнирана предна маска на ладилникот, итн.
Конечно, можете да нарачате 18-инчни ковани тркала во црна боја, или уште поголеми, 19-инчни во двобојна комбинација. Кабината добива M Performance управувач кој е обвиен во алкантара, а ако одберете автоматски менувач, ќе добиете и карбонски рачки за менувачот поставени на управувачот.
Афтермаркет? Каков афтермаркет?
