Британскиот Land Rover тукушто објави дека флота на прототип возила на новиот Defender веќе поминале 1.2 милиони километри во тестирање – а овој успех е постигнат токму денес, Светскиот Ден на Land Rover!
Зошто токму 30-ти Април е Светскиот Ден на Land Rover? Токму на овој ден пред 71 година оригиналниот Land Rover го имал своето деби на Мотор Шоуто во Амстердам.
Новиот SUV е тестиран во различни услови ширум светот – од неизбежниот Nurburgring каде динамиката на Defender на асфалт е усовршена, преку песочните дини во Дубаи, па сè до екстремно ниските (до -40 степени) во Арктикот и екстремно-високите (3000+ метри надморска височина) на Карпестите Планини во Колорадо.
Финалната фаза на тестирање ќе се изврши во Кенија со Tusk Trust – непрофитна организација чија задача е да го заштити животинскиот свет во Африка. Прототип на новиот Defender, обвиен во специјални фолии ќе се користи на овие терени во реални услови на огромниот Borana резерват, каде ќе пренесува луѓе и товар и ќе има активна улога во заштитата на загрозените видови.
Новиот Defender е дизајниран и развиен во Gaydon, во Обединетото Кралство, а за глобалните пазари ќе се произведува во новиот погон на JLR во Нитра, Словачка. Официјалната премиера се очекува да се случи оваа есен.
