Новиот кросовер на Škoda се очекува да се нуди само со погон на предните тркала и е наменет стрикто за европскиот пазар.
Новиот Kamiq ќе биде претставен на Саемот на Автомобили во Женева на 5ти Март оваа година. Продажбата ќе започне во текот на оваа година, а сега за сега се очекува Kamiq да се нуди само со погон на предните тркала и ќе биде еквивалентен на Seat Arona и Volkswagen T-Cross.
Соодветно на тоа, можеме да очекуваме турбо-бензинци и турбодизели со три и четири цилиндри, а понатаму и хибридна верзија. Со Kamiq, Škoda ќе ја комплетира својата понуда на SUV модели – чешкиот бренд веќе ги нуди супер-популарните Kodiaq и Karoq.
