full screen background image
Search

СУПЕР-ТЕСТ: Ќе поминеме три месеци со хибридниот Toyota C-HR

Хибридите стануваат реалност, дури и кај нас – и токму затоа ќе поминеме три месеци во долгорочно тестирање на хибридниот урбан суперхерој – компактниот кросовер во форма на Toyota C-HR.

Новата година ја започнуваме со нешто интересно – следните три месеци „во нашата гаража“ ќе биде Toyota C-HR. Што значи тоа? Тоа значи дека хибридниот кросовер на Toyota ќе го користиме како секојдневно возило и ќе ја искористиме можноста уште подобро да го запознаеме и да се увериме во неговите квалитети.

Како вовед, ќе продискутираме за технологиите позади C-HR. На нашиот пазар хибридниот кросовер на Toyota се нуди само во хибридна варијанта. Поставен е на одличната TNGA (Toyota New Global Architecture) платформа која ја дели со најновата генерација на Prius, новата Corolla, но и луксузниот Lexus UX. Хибридниот погон се состои од 1.8-литарски атмосферски бензинец кој испорачува 98 коњски сили и 142 Nm вртежен момент, како и електромотор со 72 коњски сили и 163 Nm вртежен момент. Вкупната, системска моќност е 122 коњски сили. Силата се пренесува кон предните тркала преку е-CVT автоматски менувач.

C-HR е вистински суперхерој кога зборуваме за потрошувачката – хибридниот погон овозможува исклучителна економичност. Официјалните бројки зборуваат за комбинирана потрошувачка од само 3.8 литри на 100 изминати километри. Забрзувањето до 100 километри на час трае 11 секунди, додека максималната брзина е 170 километри на час.

Следете нè, следните неколку месеци ќе бидат интересни!

Спецификации

Модел: Toyota C-HR Hybrid Cult
Мотор: 1.8-литарски атмосферски бензинец, 4 цилиндри
Системска Моќност: 122 коњски сили
Вртежен Момент: 142 Nm од МВС, 163 Nm од електромотор
Менувач: Бесстепен автоматски e-CVT
Забрзување 0-100 км/ч: 11 секунди
Максимална Брзина: 170 километри на час
Должина: 4360 mm
Ширина: 1795 mm (со странични ретровизори)
Висина: 1555 mm
Тежина: 1460 килограми
Меѓуоскино Растојание: 2640 mm
Багажен Простор: 377 литри
Потрошувачка: Ќе видиме. :)
Цена на основниот модел: Toyota C-HR Hybrid Center – 24.890 Евра
Цена на тестираниот модел: Toyota C-HR Hybrid Cult – 26.890 Евра
Повеќе Информации: Toyota.com.mk
Поврзано:   Новиот Yaris ќе добие и сосем нова платформа


Алфа и Омега на CARclub. Играчките остануваат, само стануваат поскапи.