full screen background image
Search

Високи оценки и пофалби од EuroNCAP за технологиите во новиот Ford Focus

Високите технологии кои се нудат кај новиот Ford Focus се само дел од причините за високите оцени кои ги освои германскиот хечбек на најновата рунда EuroNCAP тестирањата.

Euro NCAP, независното тело за испитување несреќи, високо го оцени новиот Ford Focus поради софистицираните технологии кои возењето го прават поудобно, посигурно и поефикасно. Ваквите пофалби беа истакнати на првиот автоматизиран настан за оценување на возењето, организиран од организацијата за мобилност на ADAC во Пензинг, Германија.

Euro NCAP, на почетокот на годинава го награди Ford Focus со оценка за сигурност од 5 ѕвездички, но од Организацијата доби и признание дека придонесува кон поголемо разбирање меѓу корисниците за придобивките од напредните технологии за помош при возење.

Focus беше избран за тестирање откако во него се воведоа широк спектар напредни функции за помош на возачот од кое било Ford возило досега, овозможено од три радари, две камери и 12 ултразвучни сензори. Технологиите на Ford Co-Pilot360 ја зголемуваат заштитата, возењето и паркирањето.

Euro NCAP го евалуираше Adaptive Cruise Control со Stop & Go, системот за препознавање брзина и технологиите за центрирање на ленти достапни за Focus, кој помага возилото да одржува удобно возење и соодветно растојание од возилата пред него, помага да се намали стресот при долги патувања со тоа што возилото е центрирано во својата лента и може да ја прилагоди брзината на возилото во законските ограничувања со следење на патиштата и надземните портали за знаци за брзина, покрај информациите од навигацискиот систем.

„Клучниот предизвик е развивање на системи кои го информираат возачот за сите ситуации и му овозможуваат целосна контрола. Новиот Фокус има „ко-пилот” кој го чува вашиот грб, но никогаш не Ве охрабрува да го свртите вниманието од задачата што ја имате“, вели Томас Лукашевич, менаџер на автоматизирано возење, Ford Europe, кој исто така учествуваше во панел дискусија на овој настан.

Поврзано:   Ford го претстави европскиот Ranger Raptor!

Спроведените тестови за автоматско оценување на возењето вклучуваа и реакции на возилото при приближување кон други возилата побавно, стационарно и со кочење, како и реакции на возилата што пресекуваат или излегуваат од сообраќај; потоа поддршка при управување и центрирање во лента кога се избегнува пречка на патот напред и поддршка за управување и центрирање во лента при возење преку S-свиок.

Euro NCAP, исто така, процени колку упатството за користење на Focus ефикасно ги опфаќа можностите на системите и улогата на возачот за време на операцијата и ги пофали технологиите за помош на возачот како едноставни и интуитивни за употреба.

“Ford Focus испорачува многу избалансиран пакет технологии за помош на возачот, со способност патувањата да се направат побезбедни, истовремено осигурувајќи дека возачот треба да остане алармиран и подготвен да преземе соодветни мерки во итен случај”, рече Мишел Ван Ратинген, генерален секретар на Euro NCAP.

Софистицираните технологии за возачот, дизајнирани да ги поддржат сите нови Focus клиенти, вклучуваат:

  • Двонасочен управувачки асистент, кој користи радар и камера за откривање на возила што се движат назад и/или напред и обезбедува поддршка кога возачите маневрираат околу возилото доколку дојде до неизбежен судир,
  • Асистент за помош пред судир за откривање на пешак и велосипедист, кој може да открие луѓе на или близу до патот напред или кои може да ја пресечат патеката на возилото. Системот автоматски ги применува сопирачките доколку открие потенцијален судир и возачот не реагира на предупредувањата. Исто така може да открие велосипедисти и функционира во темница, користејќи ја светлината од фаровите,
  • Фордовиот систем за приспособливо предно осветлување со предвидлива светлина на кривина и светло засновано на знаци, кое претходно ги прилагодува обрасците на фаровите за максимална видливост пред да стигне до кривина, спој или кружен тек.
Поврзано:   Новиот Focus е веќе изложен во салонот на Ford!

Focus се продава и во Европа како хечбек со пет врати, караван, но и седан со четири врати на избрани пазари. Се нуди во сеопфатна моделска линија која вклучува стилски Focus Trend и Titanium, спортски Focus ST-Line и престижен Focus Vignale. Првиот Focus Active кросовер ќе биде достапен подоцна оваа година. Новиот Ford Focus веќе може да се погледне во салонот на Ми-Да Гранд Моторс во Скопје.

Извор: PR Ford



Алфа и Омега на CARclub. Играчките остануваат, само стануваат поскапи.