full screen background image
Search

Pogea Racing двојно ја зголеми силата на Alfa Romeo 4C

Тјунинг компанијата Pogea Racing претстави засилена верзија од 4C наречена Nemesis која располага со 477кс.

Alfa Romeo стои на тврдењето дека на 4C не му е потребна Quadrifoglio верзија бидејќи е веќе најдобар во класата. Сепак, Pogea Racing не се согласуваат со тоа и се фатиле со работа за да создадат пакет подобрувања кои ќе му помогнат на лесниот спортист уште пожестоко да им се спротивстави на Porsche 718 Cayman и Alpine A110.

Тјунинг пакетот содржи цела палета специјално развиени делови. За почеток, 1.75-литарскиот бензински мотор е доработен на зафатнина од 1.95-литри и добил нов турбополнач. Инженерите на Pogea Racing исто така инсталирале и новo ковано коленесто вратило, ги надградиле главите на цилиндрите, монтирале ковани клипници и ставиле поголеми вентили за довод на воздух.

Листата продолжува со специјален издувен систем со карбонски издувни цевки, преработен менувач и изменета електроника за да се обезбеди хармонија во работата помеѓу сите надградби. Како резултат на сите измени, малото купе со погон на задни тркала сега располага со 477 кс, што е двојно од 237-те кс на стандардниот 4C. Доколку се прашувате за вртежниот момент, тој е зголемен од фабричките 350 Nm на 535 Nm.

Нема потреба да споменуваме дека поголемата сила има значителен ефект на перформансите на спортистот, бидејќи малиот Alfa Romeo сега забрзува од 0-100 км/ч за само 3.6 секунди кон максималната брзина од 308 кс/ч. Стандардната верзија го исполнува забрзувањето од 0-100 км/ч за 0.9 секунди повеќе, а исто така може да постигне само 258 км/ч.

Покрај подобрувањето на перформансите, пакетот содржи и аеродинамички боди кит со многу делови од карбон, а исто така и нови алуминиумски фелни од 18-инчи на предната оска и 19-инчи на задната. Ентериерот е обвиен во темна кожа и алкантара со контрасни црвени детали.

Детали околу цената не се објавени, но знаеме дека планот е да се направат само пет примероци, од кои еден веќе е на пат кон купувач од Австралија.



Отсекогаш Филип се интересирал за дизајнот и перформансите на автомобилите, а во срце му лежат легендарните спортски модели со забавен карактер кои можат да ги совладаат свиоците со огромна брзина.