full screen background image
Search

Новите Volkswagen Polo и T-Roc добија 5 ѕвездички на Euro NCAP

Двата нови модели на Volkswagen постигнаа извонредни резултати во сегментот, со одлична активна безбедност и заштита на патниците.

Новата генерација на Polo освои 96% од вкупните бодови за заштита на возрасни, додека заштитата на деца патници беше исто така многу добра со 85%, што е најдобар резултат во сегментот. Заштитата на пешаци заслужува 76% и 59% одат на системите за активна безбедност.

Коментарот на Euro NCAP за краш тестот со странична бариера и краш тестот со страничен столб е дека заштитата на сите критични места на телата на куклите е добра, а Polo освои максимум поени.

Слична е приказната и кај T-Roc, кој беше тестиран како мал кросовер. Тој освои 96% за заштита на возрасни и 87% за заштита на деца патници, што го прави за нијанса подобар од помалиот брат Polo.

Исто така и тука заштитата на сите критични места од телата на децата кукли е добра. Слично како кај Polo, и тука сите критични места на телата на возрасните кукли биле добри во тестот за страничен удар.




Отсекогаш Филип се интересирал за дизајнот и перформансите на автомобилите, а во срце му лежат легендарните спортски модели со забавен карактер кои можат да ги совладаат свиоците со огромна брзина.