Само неколку дена пред официјалното претставување, се појавија првите фотографии од третата генерација на популарниот SUV на Porsche!
Од она што можеме да го видиме на фотографиите – и како што можеме да очекуваме од Porsche – дизајнот на Cayenne има доживеано еволуција, наместо револуција. Сепак, новиот SUV изгледа затегнато и помодерно – и влече дизајнерски елементи од втората генерација на Panamera. Овие сличности се најзабележливи во задниот дел, каде светлосните групи го имаат истиот третман како и кај големиот спортски седан.
Инаку, силуетата на Cayenne делува пониска и подолга, и нам ни наликува малку на помалиот Macan. По фотографиите, ова е „обичниот“ Cayenne – од помоќните Cayenne S, Cayenne Turbo и GTS очекуваме да изгледаат подинамично и поспортски.
Главните новитети се во кабината, каде – повторно – Cayenne влече инспирација од Panamera. Инструментите и централната конзола се слични како кај Panamera, а целата кабина е обвиена во кожа.
Повеќе информации ќе имаме наскоро – третата генерација на Cayenne ќе биде претставена за само неколку денови.