Моќта на Insignia GSi доаѓа од 2-литарски турбо-бензинец кој испорачува 260 коњски сили и 400 Nm вртежен момент!
Покрај 2-литарскиот турбо-бензинец, Insignia GSi добива и 8-брзински автоматски менувач со лопатки за менување поставени на управувачот. Моќта се пренесува кон сите четири тркала со систем за векторирање на вртежниот момент, и според Opel подуправувањето е скоро елиминирано од равенката. Од Opel истануваат дека иако новиот спортски седан на брендот има 70 коњски сили помалку од Insignia OPC, сепак има подобро време на Nurburgring.
„Тој резултат е комбинација на пониската тежина – особено на предната оска – како и ниското тежиште, директното управување и многу моќност.“ – изјави Volker Strycek, директорот на Opel за Performance Cars & Motorsport. Новата Insignia GSi е цели 160 килограми полесна од старата OPC верзија. Знаменосецот на Insignia Grand Sport гамата добива и поцврста суспензија, адаптивни амортизери и Brembo сопирачки, а 20-инчните фелни се обвиени во Michelin Pilot Sport 4 пневматици.
Секако, купувачите ќе добијат и поспортски бодикит преку кој Insignia GSi ќе се истакне од обичните, цивилни верзии на германскиот седан.
- 2017 Opel Insignia GSi
- 2017 Opel Insignia GSi
- 2017 Opel Insignia GSi
- 2017 Opel Insignia GSi
- 2017 Opel Insignia GSi