EuroNCAP: 5 ѕвездички за Skoda Kodiaq и MINI Countryman, 4 за Nissan Micra, 3 ѕвездички за Suzuki Swift – CARclub.mk | #1 за Автомобилите full screen background image
Search

EuroNCAP: 5 ѕвездички за Skoda Kodiaq и MINI Countryman, 4 за Nissan Micra, 3 ѕвездички за Suzuki Swift

Организацијата која се занимава со стандардизирано тестирање на безбедноста на автомобилите ги објави резултатите од најновите истражувања.


Големиот SUV на Skoda постигна одлични резултати, и доби максимални 5 ѕвездички од EuroNCAP. Истиот резултат го освои и новиот MINI Countryman, a автомобилите беа пофалени дека стандардно се нудат со автоматско сопирање во итни услови.

Новата Nissan Micra освои 4 ѕвездички во стандардното ниво на опрема, односно одлични 5 ѕвездички доколку се нарача City пакетот кој вклучува автоматско сопирање и асистенција при одржување на коловозната лента.

Новиот Suzuki Swift освои само три ѕвездички во стандардното ниво на опрема, односно 4 ѕвездички доколку се нарача дополнителен пакет на безбедносна опрема. Вреди да се напомене дека сите тестирани автомобили освоија 5 ѕвездички за заштина на патниците, но во согласност со новите регулативи, недостатокот на активни системи за безбедност и асистенција го намалува финалниот резултат.



Алфа и Омега на CARclub. Играчките остануваат, само стануваат поскапи.