Се прашуваме какво е чувството да одите на работа, и вашиот службен автомобил да е монструозен Ford Mustang доработен од Saleen кој има на располагање 730 коњски сили?
Тоа можат да го одговорат полицајците од Riverside Police Department во Калифорнија. Тие добија на подарок Ford Mustang доработен од Saleen, чиј 5-литарски V8 е надграден со компресор и сега има на располагање дури 730 коњски сили и 815 Nm вртежен момент.
Овој полициски супер-автомобил е дело на Steve Saleen – познавачите на Mustang ќе го препознаат како едно од најлегендарните имиња во оваа дејност. Неговата компанија – Saleen Automotive – го направи автомобилот за полициските сили на Калифорнија и го трансформираше автомобилот од доволно моќен 435-коњски Mustang GT во Saleen S302. Секако, автомобилот добива и полициски светла и сирени – и сето тоа резултира со едно од најкул службените возила на планетава!
Следниот пат кога ќе бидете во Riverside – возете внимателно!
