Веднаш по претставувањето на DS7 Crossback, Францускиот бренд ги објави своите амбициозни производствени планови.
Според Autocar, луксузниот огранок на Citroen ќе лансира нов модел на секои 12 месеци. Првиот од овие ќе биде DS 3 Crossback, наменет да му се спротивстави на Audi Q2, а потоа ќе следи ривал на Audi Q7, кој ќе биде наречен DS 9 Crossback.
Покрај тоа, се зборува дека ќе биде лансирана и замена за сегашниот DS 3, како и два луксузни седани, именувани DS 5 и DS 9. Сепак, иднината на DS 9 зависи од претстојната побарувачка на Кина за големи луксузни седани во наредните години.
Иако компанијата останува таинствена за своите планови, потпретседателот за маркетинг на DS – Арно Рибо навести дека зголеменото семејство на седани и кросовери навистина ќе се случи.