full screen background image
Search

ПРЕМИЕРА: Новата Mercedes-Benz E-Class Coupe

За оние на кои C-Class Coupe им е премал автомобил, а S-Class Coupe преголем – тука е идеалниот E-Class Coupe!

Сепак, да бидеме сериозни – новата E-Class Coupe е многу повеќе од само „златна средина“ за Mercedes-Benz. Традиционално, автомобилот ги има идеалните купе пропорции – долг, мускулест преден дел и краток, „набиен“ заден дел. Новиот автомобил е поголем и попросторен од својот претходник, но истовремено (барем во нашите очи) значително попривлечен.

Дизајнот успешно влече детали како од помалата C-Class, така и од поголемата S-Class Coupe и притоа ги влече најдобрите карактеристики од обата модели. Секако, никогаш нема да го измешате со „обичната“ E-Class, бидејќи купе изведбата има значително поспортски кров и го има задниот дел со широките, хоризонтални светлосни групи кои Mercedes-Benz ги вградува во купе-моделите. Новото купе е долго 4826 милиметри, широко 1860 милиметри и високо само 1430 милиметри – а тоа го прави новиот автомобил 123 милиметри подолг, 74 милиметри поширок и 32 милиметри повисок од стариот. Меѓуоскиното растојание е 113 милиметри подолго и сега е 2873 милиметри, со што во кабината нуди многу повеќе простор за сите патници.

mercedes-benz-e-class-coupe-interior

Исто како и седанот, и купето го добива новиот ентериер кој изобилува со премиум детали и врвни технологии, а задните седишта се токму тоа – индивидуални седишта наменети да понудат што е можно повеќе комфор. Врвната верзија добива два 12.3-инчни екрани поставени пред возачот и на централната конзола, додека основниот модел добива традиционални инструменти и мал панел пред возачот, и уште еден дисплеј на централната конзола.

Поврзано:   Претсезонско тестирање на Ф1 - надеж за борба за титулата?

mercedes-benz-e-class-coupe-amg-sport

На почетокот ќе се нудат четири погонски единици. На стартот ќе се нуди само еден турбодизел во форма на E220d кој ќе нуди 194 коњски сили од 2-литарскиот турбодизел. Боите на бензинците ќе ги бранат E200 кој нуди 184 коњски сили, Е300 кој нуди 245 коњски сили (обата од 2-литарски турбо-бензинци) и (сега за сега) најмоќниот Е400 4Matic кој од 3-литарски твин-турбо V6 има на располагање 333 коњски сили. Секако, во понудата понатаму ќе се најдат и соодветните AMG верзии кои најверојатно ќе имаат доволно моќ да поместат планини. Сите варијанти ќе се нудат исклучиво со 9G-Tronic девет-брзински автоматски менувач.

Новото купе ќе пристигне на пазарот кон средината на следната година.



Алфа и Омега на CARclub. Играчките остануваат, само стануваат поскапи.