full screen background image
Search

Hyundai ќе ја претстави следната генерација на горивни ќелии во 2018

Јужнокорејскиот производител најави дека ќе ја претстави следната генерација на својот систем на горивни ќелии во 2018 – и тоа за време на Зимските Олимписки Игри.

Според Ahn Byung-ki, човекот кој го води одделот за еколошки возила на Hyundai, технологијата ќе биде претставена во целосно ново возило, кое ќе биде „некаде помеѓу CUV и SUV.“ Технологијата на горивни ќелии е веќе добро-етаблирана кај Hyundai – Hyundai веќе нуди Tucson на горивни ќелии, а веќе имаат произведено и продадено скоро 1000 примероци од овој високотехнолошки погон.

hyundai-tucson-fuel-cell2

Новата горивна ќелија ќе биде помала и ќе користи помалку платина во катализаторот, додаде тој. Батеријата ќе биде поголема, но електричниот мотор ќе биде покомпактен и полесен и истовремено ќе нуди повеќе сила. Понатаму, Byung-ki најави дека Зимските Олимписки Игри во Pyeongchang ќе бидат сцената каде ова возило ќе го има своето деби – „тоа е голем настан, а тоа секогаш е одлична можност за медиумска покриеност.“

Интересно е што Hyundai самостојно ја развива технологијата, а Yang Woong-chul, подпретседателот на Hyundai зборуваше за намалените придобивки од соработката со друга компанија. Според него, повеќето алијанси завршуваат со неуспех наместо успех, а според него тоа е поради тешкотиите обете страни да се чувствуваат еднакво мотивирани и посветени кон работата.

hyundai-tucson-fuel-cell3

 

 

Планот на Hyundai групацијата е да промовира дури 28 нови еколошки-прифатливи возила до 2020-тата година. Овие возила би се понудиле во сите три брендови на групацијатa – Hyundai, KIA и луксузниот Genesis. Гамата ќе вклучува 10 класични хибриди, 8 плаг-ин хибриди, 8 електрични возила и две возила на горивни ќелии.



Алфа и Омега на CARclub. Играчките остануваат, само стануваат поскапи.