full screen background image
Search

Повторно освежување за Alfa Romeo Giulietta

Alfa Romeo повторно претстави ново затегнување на брчките за компактниот модел Giulietta, со цел да го направи поатрактивен за потенцијалните купувачи и дизајнерски да го доближи до претстојните новитети.

Без многу визуелни измени, освежениот модел доаѓа со изменет преден браник со нова решетка која има текстура на саќе. Дополнителните измени се ограничени и вклучуваат понуда од нови дизајни на алуминиумски фелни и изменетото лого кое дебитираше кај Giulia.

Измените во ентериерот содржат нови материјали за тапацирот и украсните детали. Тука е исто така и подобрен Uconnect мултимедијален систем кој им овозможува на корисниците да се поврзат на Facebook, Twitter, TuneIn, Reuters, и TomTom.

alfa-romeo-giulietta-facelift-29

Изведбата Giulietta Veloce оди еден чекор подалеку и носи поспортски браници, редизајнирани странични прагови и црни капаци на ретровизорите. Моделот исто така има кожни Alcantara спортски седишта, волан со зарамнето дно, детали од карбон и црвени контрастни детали.

Под поклопецот ќе се најдат повеќе погонски единици, вклучувајќи:

  • 1.4-литарски TB со 120 кс и 215 Nm вртежен момент
  • 1.4 TB MultiAir со 150 кс и 230 Nm вртежен момент
  • 1.4 TB MultiAir TCT со 170 кс и 230 Nm вртежен момент
  • 1.4-liter TB GPL со 120 кс и 215 Nm вртежен момент
  • 1.6 JTDM со 120 кс со 280 Nm вртежен момент
  • 2.0 JTDM со 150 кс и 175 кс

Најсилната Giulietta Veloce има 1.75-литарски турбо-бензински агрегат со 240 кс и 300 Nm вртежен момент и 340 Nm во Overboost. Ова му обезбедува на автомобилот забрзување од 0-100 км/ч за шест секунди пред да ја достигне максималната брзина од 243 км/ч.



Отсекогаш Филип се интересирал за дизајнот и перформансите на автомобилите, а во срце му лежат легендарните спортски модели со забавен карактер кои можат да ги совладаат свиоците со огромна брзина.