Јапонскиот производител за домашното автомобилско шоу во Токио подготвува концепт на електричен SUV.
Според Mitsubishi, eX Concept ги комбинира „елеганцијата и стилизираноста на shooting brake со линиите на компактен SUV.“ Интересно е што според Mitsubishi, како екстериерот, така и ентериерот на концептот се одлична индикација за идните модели на брендот.
Дизајнот на eX Concept е инспириран од Dynamic Shield елементите на брендот. Се забележува и лебдечки кров кој користи маскиран заден столб за да наликува дека е неповрзан со остатокот од автомобилот. Сега за сега нема технички детали, но според Mitsubishi, концептот „нуди визија за уникатен, целосно-електричен компактен SUV кој цели кон растечкиот пазар за вакви модели.“