Mazda претстави јубилејна изведба по повод 25 години од лансирањето на првата генерација на MX-5, на автомобилскиот саем во Њу Јорк.
Јубилејниот модел е базиран на досегашната трета генерација со тврд кров, кој заедно со А-столбовите е обоен во црна, додека каросеријата е во металик црвена боја. Неговиот ентериер е дотеран со бели кожни седишта и панели на вратите, како и црвени детали, украсни назнаки и алуминиумски педали.
Покрај естетските, овој MX-5 добил и механички измени. Неговиот 2-литарски атмосферски агрегат е надграден со нови клипови, поврзувачки компоненти и замаец, а на купувачите ќе им биде понуден со мануелен или автоматски менувач. Управувањето ќе биде подобрено благодарение на новите Bilstein амортизери и 17-инчните алуминиумски фелни обвиени во Bridgestone Potenza 205/45 пневматици.