На саемот за автомобили во Њу Јорк, Land Rover ќе го претстави концептот Discovery Vision, кој ќе ја предвиди наредната генерација од теренецот Discovery и ќе дебитира технологии кои ќе се користат кај претстојните модели.
Една од овие технологии е наречена TRANSPARENT BONNET – систем кој користи камери монтирани на долната решетка и дисплеј кој ја прикажува сликата на долниот дел од ветробранското стакло – токму каде што се гледа поклопецот од моторот. Ова дава илузија дека возачот гледа низ хаубата, директно во подлогата врз која поминува со возилото.
Технологијата овозможува подобро маневрирање со автомобилот при искачување нагорнини и позиционирање на предните тркала при возење низ секаков терен. Според Land Rover, овој систем ќе ја подигне теренската способност на нивните модели на ниво над конкуренцијата.
Демонстрацијата на технологијата на Транспарентна хауба можете на ја видите на видеото подоле: