Премиум SUV од Citroen – новиот DS 6WR! – CARclub.mk | #1 за Автомобилите full screen background image
Search

Премиум SUV од Citroen – новиот DS 6WR!

Citroen го подготвува серискиот премиум SUV изграден врз Wild Rubis концептот претставен пред неколку месеци – под поклопецот се крие 1.6-литарски турбо-бензинец со 200 коњски сили!

Во ред, можеби името е малку незграпно, но сепак можеме да забележиме дека се работи за привлечен и модерен автомобил кој не само што ја следи филозофијата на DS-гамата на Citroen, туку има и навистина важна задача – да му помогне на брендот да се врати на вистинската насока.

4.55 метри долг, 1.86 метри широк и 1.61 метар висок, DS 6WR ја носи борбата токму кај премиум конкурентите – Audi Q3 и Q5, односно BMW X1 и X3! Тоа се храбри цели, но судејќи по храброста која Citroen веќе ја покажа со останатите DS модели кои ги подготвува за лансирање во Кина, Францускиот бренд е подготвен да се впушти во борба со новите конкуренти.

DS 6WR е придвижуван од 1.6-литарски THP турбо-бензинец кој испорачува 200 коњски сили, а ќе може да се нарача и како хибрид со вкупно 225 коњски сили системска моќност. Сега за сега ќе се нуди само во Кина, но навистина се надеваме дека челниците на Citroen ќе одлучат да го понудат и во Европа. Ќе се користи истата платформа од Citroen DS5, а ние навистина не гледаме зошто Citroen не спушти неколку дизел-мотори (какви што всушност сакаат Европските купувачи) и не се реши да го продава и кај нас.



Алфа и Омега на CARclub. Играчките остануваат, само стануваат поскапи.