Нико Розберг од тимот на Mercedes е победник на премиерната трка од новата сезона, со која што започнува новата турбо ера во Formula 1. На подиумот до Розберг се најдоа новиот возач на Red Bull, Даниел Рикијардо и новајлијата од Mclaren, Кевин Магнусен.
Германецот Нико Розберг доминантно ја отвори новата сезона во најбрзиот спорт и со тоа покажа дека Mercedes навистина напорно работеле и се фаворити кога станува збор за титулата. Можеби е премногу рано да се зборува за фаворити, но Розберг ја разби конкуренцијата, а тимовите придвижувани од моторите на Mercedes делуваа навистина брзо.
Иако Розберг ја уништи забавата и не гледавме неизвесна борба за победа како што и се очекуваше после толкави промени во поглед на правилата и придвижувањетно на болидите, сепак тука беа одличните Даниел Рикиардо и пред се Кевин Магнусен, кој успеа да се искачи на подиумот на својата дебитанска трка. Мора да го споменеме и Валтери Ботас од тимот на Williams, кој стартуваше од 15-та позиција и покрај дупнатата гума и принудна посета на механичарите, со импресивно возење успеа да стигне до 6-та позиција.
Најголемо разочарување денеска беше акутелниот и четирикратен светски шампион, Себастиан Фетел. Тој се откажа од трката уште во 4-от круг, а еден круг порано тоа го направи и Луис Хамилтон. Пилотите на Ferrari, Фернандо Алонсо и Кими Раиконен трката ја завршија на 5-та, односно 8-та позиција, но загрижувачки беа перформансите на нивните болиди, бидејќи не делуваа конкурентно и силно за време на трката
Следната трка е за две седмици на патеката Сепанг во Малезија, а нам ни останува да се понадеваме дека на денешната трка многу од тимовите влегоа вниматеално и тактизираа со цел да можат да видат како ќе се однесуваат тотално новите болиди за време на трка.
Резултати ГН Австралија:
1. N.Rosberg Mercedes 2. D.Ricciardo Red Bull-Renault 3. K. Magnussen McLaren-Mercedes 4. J.Button McLaren-Mercedes 5. F.Alonso Ferrari 6. V.Bottas Williams-Mercedes 7. N. Hulkenberg Force India-Mercedes 8. K.Raikkonen Ferrari 9. J.Vergne Toro Rosso-Renault 10. D.Kvyat Toro Rosso-Renault 11. S.Perez Force India-Mercedes 12. A.Sutil Sauber-Ferrari 13. E.Gutierrez Sauber-Ferrari 14. M.Chilton Marussia-Ferrari Отк. J. Bianchi Marussia-Ferrari Отк. P.Maldonado Lotus-Renault Отк. M.Ericsson Caterham-Renault Отк. S.Vettel Red Bull-Renault Отк. L.Hamilton Mercedes Отк. F.Massa Williams-Mercedes Отк. K.Kobayashi Caterham-Renault