Hennessey уште еднаш потврди дека го има најбрзиот автомобил на светот – Venom GT достигна неверојатни 435 километри на час!
Претходниот рекорд исто така го држеше Venom GT и тој изнесуваше 426 Km/h, а сега уште еднаш Американците покажаа кој го има најбрзиот автомобил.
Иако официјално овој рекорд беше постигнат на 14-ти овој месец, за жал нема да биде запишан во Гинисовата книга на рекорди поради повеќе „неважни“ причини. Hennessey сепак може да се пофали дека Venom GT е побрз и од Bugatti Veyron Super Sport кој претходно постави рекорд од 429 километри на час.
Интересен факт е дека и при брзината од 435 Km/h, Venom GT сеуште забрзувал и рекордната брзина би била уште поголема но сепак се ближел крајот на затворената писта во Флорида , а на Venom GT му бил потребен скоро цел километар за да ја намали брзината од 435 километри на час на 70 – сепак се работи за автомобил кој развива монструозни 1.244 коњски сили!
За да биде впишан овој рекорд во Гинисовата книга на рекорди, потребно било автомобилот да го постави рекордот два пати, односно во двата правци да развие колку е возможно повисока брзина, а на крајот просечната брзина се впишува во Гинисовата книга. Сепак НАСА не дозволила подолго задржување во „Вселенскиот Центар“ каде се одржувал овој настан, па рекордот на Venom GT ќе остане само „на зборови“.
Во продолжение погледнете го рекордот на Hennessey Venom GT.
