Под предниот поклопец се крие 2-литарски турбо-бензинец кој испорачува 285 коњски сили и 400 Nm вртежен момент!
Еве ви предизвик за вечерва – пробајте да го изговорите целото име на новата верзија на Evoque неколку пати последувателно, како брзозборка!
Range Rover го претстави новиот Evoque Autobiography Dynamic кој носи нови детали на надворешноста, нови големи фелни, како и нови детали во ентериерот кој е обложен со најквалитетната кожа (и купувачите ќе можат да изберат помеѓу шест различни бои за истата).
Големите 20-инчни фелни кријат и големи 350 милиметарски дискови за кочење кои ќе обезбедат одлични перформанси во различни услови. Само Dynamic верзијата го има новиот 285-коњски мотор, додека Autobiography може да се добие и со бензинец со 240 коњски сили, или турбодизел со 190 коњски сили. Доколку сепак се одлучите за Dynamic верзијата ќе добиете и рекалибрирана суспензија, како и рекалибриран софтвер за 9-брзинскиот автоматски менувач изработен од ZF.
