Новиот Genesis е првиот модел на Hyundai кој го носи новиот дизајн на нивните автомобили, а брендот се надева дека ќе успее да освои нови купувачи!
Големиот седан е долг 4990 милиметри, широк 1890 милиметри и висок 1480 милиметри. Ќе биде придвижуван од V6 или V8 бензински мотор. Помалиот, V6 мотор е со зафатнина од 3.8 литри и испорачува 311 коњски сили при 6000 вртежи и 400 Nm вртежен момент при 5000 вртежи, додека поголемиот V8 благодарение на неговите 5 литри испорачува 420 коњски сили на 6000 вртежи и 520 Nm вртежен момент. Моделот со V8 мотор забрзува до 100 километри на час за 5.4 секунди, а двата мотори ја пренесуваат силата кон задните тркала преку 8-степен автоматски менувач. За прв пат, купувачите ќе можат да го нарачаат Genesis со новиот HTRAC AWD систем за погон на сите четири тркала.
Genesis е преполн со нова и модерна технологија. Ја издвојуваме поврзаноста со Google Glass, но и сензорот за CO2 во самата кабина, телематика благодарение на Google Blue Link, автоматско кочење, детекција на автомобил во слепата точка, интегриран Head-up дисплеј, како и радарски-воден темпомат. Производството треба да започне во фабриката на Hyundai во Улсан, Кореа, а продажбата во Америка би требало да започне оваа пролет.
Нема најава за можното нудење на Genesis и на Европскиот пазар, иако би бил интересен конкурент на премиум брендовите со Германско потекло. Сепак, за да биде конкурентен во Европа, Hyundai ќе мора да вгради дизел мотор во Genesis
