Sebastian Vettel е на прагот на освојување на својата четврта последователна титула – успех со кој можат да се пофалат само уште Juan Manuel Fangio и Michael Schumacher!
На Vettel му е потребно петто место или подобар резултат во Индија за да биде третиот човек во историјата кој бил крунисан со титулата светски шампион четири години по ред. До сега, само Juan Manuel Fangio (1954-1957) и Michael Schumacher (2000-2004) успеале во овој подвиг.
Пред почетокот на оваа трка, која ветува дека ќе биде интересна до самиот крај, ви пренесуваме неколку детали за да ве подготвиме за претстојниот F1 викенд. Патеката, која се вика Buddh International Circuit е долга 5.125 километри. Ќе бидат извозени 60 круга, односно 307.249 километри. Рекордот за најбрз круг му припаѓа на Sebastian Vettel и тој изнесува 1:24.178. Vettel воедно го држи и рекордот за најмногу победи на оваа патека, односно две, во 2011 и 2012.
Ова ќе биде интересна трка, и сосема е очекувано да видиме како се крунисува нов шампион овој викенд.
