Michael Bay го подготвува четвртото продолжение на Transformers серијалот, а една од главните улоги ќе ги има Bumblebee Camaro концептот!
Иако Bumblebee би требало да биде Volkswagen Beetle (од таму го носи и името), сепак Michael Bay потпиша договор за соработка со GM па во филмовите Bumblebee e Camaro. Во секој случај, за новиот, четврт филм во серијалот Bumblebee ќе добие нов лик – во форма на овој Camaro Concept.
Немаме информации какви измени носи под поклопецот на моторот, но знаеме дека ова не е нова генерација на Camaro, туку само концепт базиран врз сегашната. Покрај Camaro, во филмот ќе се појават и Bugatti Veyron SuperSport, Chevrolet Corvette и уште многу други автомобили. Филмот е предвиден да се појави следната година.
