Skoda конечно ги објави официјалните податоци за најмоќната изведба на новата Octavia, која очекувано ќе ја носи ознаката RS.
Новата Octavia RS ќе се нуди во две изведби – бензинска и дизелска. Дизелската изведба ќе ја носи ознаката RS TDI и ќе доаѓа со веќе познатиот 2-литарски турбодизелски агрегат на Volkswagen кој испорачува 184 коњски сили. Благодарение на овој мотор, RS TDI ќе забрзува до 100 километри на час за 8.1 секунди, а максималната брзина ќе биде 232 километри на час.
Поинтересната, бензинска изведба ќе се вика едноставно Octavia RS и ќе се нуди со 2-литарски турбо-бензински агрегат кој нуди 220 коњски сили. Со овој мотор, Octavia RS ќе може да забрза до 100 километри на час за само 6.8 секунди, а максималната брзина изнесува 248 километри на час!
Во споредба со втората генерација на Octavia RS, новата нуди повеќе моќност, но и до 19% поголема економичност. Старт-Стоп системот, како и системот за регенерација на енергија од кочењето се нудат во стандардната опрема, а покрај мануелниот менувач, ќе се нуди и DSG менувач со двојна спојка и кај двете верзии. Во стандардната опрема се вбројува и XDS електронскиот диференцијал.
Она што е навистина интересно е тоа дека новата Octavia RS ќе се нуди и како Octavia Combi RS, односно караванска изведба. Со ова покрај спортскиот дух, Octavia ќе може да понуди и максимална практичност. Skoda ја највува новата Octavia RS како одлична комбинација од спортски карактер, просторност и функционалност – а ние многу лесно можеме да разбереме зошто е тоа така.